被稱為「平民燕窩」,雪燕係由雪蓮花分泌嘅汁液提煉而成,口感極似燕窩,不過價錢相宜好多,所以好受女士歡迎。
雪燕浸發前睇落似碎冰糖,浸發後會變得晶瑩通透,可以拉出一條條透明嘅幼絲。每次只需要幾粒,就可以浸出一大碗,而且雪燕係純天然嘅植物纖維食品,素食人士都可以食用。除咗口感同燕窩相似,雪燕嘅功效都不輸蝕,唔單止可以補充骨膠原,令皮膚回復彈性,仲可以紓緩口乾問題,潤腸通便,促進排毒,令皮膚變得白滑無痘痘。
雪燕本身冇任何味道,需要配合唔同食材去提升味道。今次我就同到大家分享一個超簡單嘅糖水食譜——雪燕紅棗桂圓蓮子糖水。只要朝早或者前一晚浸定雪燕,夜晚放工返屋企煲半個鐘頭就可以食得,最啱繁忙嘅都市人。
如果你哋想知道其他糖水嘅食譜,不妨留言同我分享呀!
材料 (2人份量):
- 紅棗 - 6粒
- 桂圓 - 20粒
- 蓮子 - 20粒
- 雪燕 - 3粒
- 片糖 - 1片
- 水 - 800ml

做法:
1. 雪燕浸泡大約9小時(可於前一晚浸發),發起後以水浸住,撈起雜質,洗淨後的雪燕盛起備用

2.紅棗、桂圓和蓮子洗乾淨,紅棗和蓮子去芯
3.水滾後放入材料(雪燕和片糖除外),大火滾起後轉細火煲15分鐘,然後再加入雪燕和片糖繼續煮15分鐘便完成
水滾後放入材料(雪燕和片糖除外) 大火滾起後轉細火煲15分鐘,然後再加入雪燕 再加入片糖繼續煮15分鐘便完成


Love Kelly’s Kitchen 簡介
全職媽媽,喜歡烹飪。愛以簡單食材,配以便捷方法煮出美味菜式。烹飪帶給我無窮樂趣,透過網上平台【Love Kelly’s Kitchen】專頁,分享食譜、飲食生活、品牌合作,令生活更添色彩。
著作:《BRUNO-一口小吃大百科》
Comments are closed.